  |
  
|
香港人習慣用「廣東話」呢個名詞，佢哋話自己講緊「廣東話」。其實呢嗰講法係有啲問題嘅。正確啲嚟講，應該係叫做「廣州話」。
噉究竟有咩分別呢？
首先解釋「廣州話」，「廣州話」即係現今廣州人所講嘅語言。香港人都係講緊廣州人所講嘅「廣州話」。
至於「廣東話」，「廣東話」係一個籠統、唔清晰嘅概念。佢係指整個廣東省內嘅漢語方言。
廣東省內嘅漢語方言主要包括：
1. 粵語 (廣州話爲代表)、
2. 客家語 (梅州話爲代表)、
3. 閩南語 (潮州話爲代表) 。等
「廣東話」係有包括「廣州話」，但唔係淨係指「廣州話」。
皆因「廣東話」所包括嘅咁多種語言都有咁大分別，所以「廣東話」呢個名詞係唔應該有 唔應該用嘅。就好似你唔會用「亞洲話」/「亞洲語」呢啲名詞，「泰語」就「泰語」；「韓語」就「韓語」。
參考：
粵語學堂（網站）
粵講粵啱一分鐘（電臺節目）
|
你好，初次瀏覽閣下的blog，以下是在下少少的意見，並無針對之意... 我覺得又唔使咁執著嘅... 好似「福建話」咁... 其實泛指福建省內不同地方嘅方言，但係一般人口中嘅「福建話」其實即係「閩南話」... 仲有，好多外國人口中嘅「chinese」，其實應該用「mandarin」或者「putonghua」比較適合啲... 唔... 又或者你點睇「粵語」?? 「粵語」其實即係「廣州話」，但係「粵」係「廣東省」嘅簡稱，咁「粵語」係咪都有誤導成份在當中呢?? 同埋... 比如你去到台灣，人哋問你講咩話，你話「廣州話」，佢哋可能問番你「廣州話」係咪即係「廣東話」，如果咁執著地去解釋當中嘅分歧嘅話... 到頭來盞嘥氣！ 其實... 一般人能夠意會到未ok囉... 而且語言係係隨著時代嘅變遷，文化嘅不同而演變架嘛... 再講深一層，我相信大家係會分得出「香港人」講嘅「廣州話」同「廣州人」講嘅「廣州話」係有不同之處嘅，咁我哋香港人，係咪應該話我哋講嘅係「香港話」至啱呢?? 所以... 我又覺得「廣東話」同「廣州話」之別，並冇特別所謂喎... |
|
|
1。如果以省名作代名詞，豈不是有三十幾種方言？“湖南話”“湖北話”“江西話”“浙江話”……此乃不學術嘅講法。 |
|
|
粤语就是广东话的简称，不是什么广州话。广州话只是粤语的代表，不能是粤语的代号。 |
|
